TIMU ZA IDARA YA AFYA BUKOMBE ZAIBUKA KIDEDEA.

Imewekwa: January 22nd, 2024

Timu za Idara ya Afya Halmashauri ya Wilaya ya Bukombe zimeibuka kidedea katika mashindano ya kirafiki yaliyofanyika Wilayani Chato katika viwanja vya shule ya msingi Kitela ambapo timu ya mpira wa miguu kutoka Bukombe imepata ushindi wa goli 3  kwa 2 na timu ya netball imepata goli 11 kwa 7 dhidi ya timu ya Hospital ya Rufaa ya Kanda ya Chato.

Aidha Mganga Mkuu wa Wilaya ya  Bukombe Dr.Deograsia Mkapa amewapongeza washiriki wa mashindano hayo.

" Hongereni sana kwa kushiriki,  tumeweza kufurahi kwa pamoja kwani Watumishi wa Idara ya Afya  muda mwingi wamekuwa wakiutumia kukaa na wagonjwa."

Akiongea kwa niaba ya Mkurugenzi Mtendaji wa Hospitali ya Rufaa ya Kanda ya Chato Dr.Gerald Muniko amezipongeza Timu za Idara ya Afya Bukombe kwa ushindi mnono.

"Hongereni sana kwa ushindi mnono kwani asiyekubali kushindwa si mshindani kupitia michezo hii tumeweza kubadilishana mawazo."

Kwa upande wake Afisa Michezo (W) Jenipher Kisusi amewataka watumishi wa Divisheni na Vitengo kuhakikisha wanashiriki michezo kwani michezo inajenga afya ya mwili na akili.

Naye Dr.Timotheo Masota kutoka Hospitali ya Uyovu amesema "Tumefurahi sana kukutana na watumishi wenzetu wa chato. Kupitia michezo tumeweza kujenga urafiki na kubadilishana uzoefu."

Michezo ya kirafiki baina ya watumishi wa Hospitali ya Rufaa ya Kanda ya Chato na Divisheni ya  Huduma za Afya, Ustawi wa Jamii na Lishe imefanyika ikiwa na lengo la kudumisha urafiki na kubadilishana uzoefu mahali pa kazi