Tokomeza ukatili Sasa kwa Wanawake na Watoto

Imewekwa: May 25th, 2018

Wajumbe wa Kamati ya Utekelezaji wa Mpango Kazi wa Taifa wa Kutokomeza Ukatili dhidi ya Wanawake na Watoto (MTAKUWWA) wamepewa mafunzo ya namna ya kutekeleza majukumu yao leo katika Ukumbi wa Halmashauri ya Wilaya ya Bukombe na wawezeshaji kutoka Mkoani Geita, wakishirikiana na John Snow Inc(JSI), katika mafunzo hayo Kamati hii imefundishwa namna ya kutoa Elimu ya fursa sawa kijinsia, malezi bora ya Mtoto, kumkinga Mtoto na Mwanamke dcidi ya Ukatili, Umuhimu wa Ulinzi na Usalama kwa Mtoto, athari za ukatili ambazo zinaathiri sana Wanawake na Watoto, Kamati hizi katika kila Halmashauri zinalenga kutokomeza kabisa ukatili dhidi ya Wanawake na Watoto kuanzia ngazi ya Kaya, Kijiji, hadi kufika ngazi ya Taifa kupitia Kamati hizi zinazoanzishwa.

Serikali kwa kushirikiana na Shirika la Kuimarisha Mifumo ya Afya na Ustawi wa Jamii katika Halmashauri 84 Tanzania Bara na Visiwani (JOHN SNOW INC(JSI), baad ya kuona matukio ya Kikatili kwa Watoto na Wanawake kutokana na kukosa malezi bora ya wazazi,umaskini,mila na desturí potofu, tamaa na mabadiliko ya Kiteknolojia, kukithiri hapa nchini. Katika mpango huu wa Taifa wa kutokomeza matukio ya kikatili kwa Wanawake na Watoto, Mkoa wa Geita Halmashauri tatu zitafikiwa, "ya kwanza ni Halmashauri ya Wilaya ya Bukombe, Halmashauri ya Wilaya ya Geita pamoja na Halmashauri ya Wilaya ya Chato ambapo wawezeshaji wawili, Afisa Maendeleo ya Jamii Ndugu Eliana Haroni na Afisa Ustawi wa Jamii Ndugu Frank Moshi kutoka Ofisi ya Mkuu wa Mkoa wa Geita ,na Msimamizi wa mafunzo haya kutoka JSI ndugu Joseph Bukula watatoa mafunzo haya" alisema Bukula

Ndugu Joseph Bukula amesema kazi kuu wanazofanya JSI ni Kujengea uwezo mabaraza ya WAVIU - KONGA na asasi za kiraia,  Kuimarisha kamati shirikishi za kudhibit UKIMWI (Multi-sectoral AIDS committees), kuanzisha na kujengea uwezo kamati za MTAKUWA,  kushirikiana na Serikali Kuu kuandaa miongozo mbalimbal ya sekta ya afya ya jamii na ustawi wa jamii.

Bukombe ni moja Kati ya Halmashauri 84 zenye ukatili wa Watoto na Wanawake, kwa mujibu wa maelezo ya Afisa Ustawi Ndugu Frank Kasege mpaka sasa jumla ya Kesi 5 za ukatili wa Kimwili, Kesi 20 za ukatili wa Kimapenzi(Mimba za Utotoni) na Kesi 5 za ukatili wa kiuchumi ajira hatarishi kwa watoto. Mafunzo haya yaliyohusisha wadau mbalimbali yatasaidia sana kupunguza au kutokomeza kabisa matukio ya kikatili dhidi ya Watoto na Wanawake ambayo yameonyesha kukithiri sana nchini.

Vikundi vya Kamati ya utekelezaji wa mango wa taifa wa kutokomeza Ukatili dhidi ya Mtoto na Mwanamke wakiwa kwenye majadiliano.

Vikundi vya Kamati ya utekelezaji wa mango wa taifa wa kutokomeza Ukatili dhidi ya Mtoto na Mwanamke wakiwa kwenye majadiliano.

Muwasilishaji Bi Josephine wa Kundi Namba 1 akiwa anatoa ufafanuzi wa Majibu ya Swali waliloulizwa katika Makundi.

Msimamizi wa mafunzo kutoka JSI ndugu Joseph Bukula akitoa mafunzo ya Ngazi za kusikiliza Mashauri ya kesi za Ukatili dhidi ya Wanawake na Watoto.