Tsh milion250 zawanufaisha wakazi wa kata ya lyambamgongo kwa kupata mradi wa maji yakisambazwakutokea kata jirani ya Bukombe

Imewekwa: September 17th, 2022

"Vituo vya maji saba(7) vimejengwa, wananchi katika kijiji cha Lyambamgongo tayari wanapata maji safi na Salama wakitoa shukrani kwa Rais kuleta fedha huku Mbunge na Diwani nao wakipongezwa kwa ushirikiano wao kuleta maendeleo Lyambamgongo"

Kaimu Meneja RUWASA Wilaya ya Bukombe Eng. James Benny amemshukuru Mbunge wa Jimbo la Bukombe na Waziri wa Madini Dkt. Doto Biteko kwa ushirikiano wake anaoutoa kwenye Idara hii kutafuta fedha kwa ajili ya miradi ya maji Bukombe na kusema kuwa, Serikali ya awamu ya sita chini Rais Samia Suluhu Hassan imejipambanua kuwaletea maji wananchi wa Bukombe.

Eng. Benny amesema kuwa Serikali ya Mama Samia imeleta Tsh Milioni 250 kwa ajili kuleta Maji Lyambamgongo yakitokea Bukombe ambapo miongoni mwa shughuli zilizofanywa ni pamoja na kulaza mabomba KM 9 ikiwa ni pamoja na kujenga Vituo 7 vya kuchotea maji.

️Wakazi wa Kijiji hiki akiwemo mwanamama Sara Faustine wameishukuru serikali kwa kuleta fedha ambazo zimesaidia kwa kiasi kikubwa kuleta maji maana akina mama walikuwa wanahangaika sana kupata  maji na wameahidi kuendelea kuunga mkono viongozi wao akiwemo Mbunge pamoja Diwani.

Miongoni mwa Taasisi zilizonufaika na mradi huu ni kituo cha Afya Lyambamgongo, shule ya sekondari na Msingi za Lyambamgongo pamoja na maeneo ya wakazi.

#Kaziiendelee