Uboreshaji wa miundombinu ya Shule za Msingi na Sekondari

Imewekwa: April 7th, 2019

Mkuu wa Wilaya ya Bukombe Mhe. Said Nkumba tarehe 8 Aprili, 2019 ametembelea ujenzi wa uboreshaji wa miundombinu ya shule  katika shule ya msingi Bomani, Busonge na Shule ya sekondari Ushirombo ili kujionea shughuli za ujenzi zinavyoendelea. 

Nkumba amemtaka Mhandisi wa Ujenzi wa Wilaya Dominico Shilingo kuhakikisha anakamilisha miradi hiyo  kwa wakati ili walimu na wanafunzi waweze kupata mazingira mazuri ya kufundishia na kujifunzia.

Halmashauri ya Wilaya ya Bukombe ilipokea jumla ya Shilingi 139,000,000/= za kitanzania kwa upande wa Elimu Msingi na Shilingi  440,000,000/= Elimu Sekondari kutoka Wizara ya Elimu, Sayansi na Teknolojia kwa kushirikiana na Ofisi ya Rais TAMISEMI inayotekeleza Program ya lipa kulingana na matokeo ( Education Programme for Result -EP4R) ambayo ipo kwenye mwaka wa nne wa utekelezaji.

Ujenzi wa madarasa mawili katika Shule ya Msingi Bomani yakiwa katika hatua ya umaliziaji.

Matundu sita ya vyoo katika shule ya Msingi Bomani yakiwa katika hatua ya Boma.

Madarasa mawili katika Shule ya Msingi Busonge yakiwa katika hatua ya umaliziaji wa boma.

Mkuu wa Wilaya ya Bukombe Mhe. Said Nkumba akikagua shimo la choo katika shule ya Msingi Busonge

Umaliziaji boma katika shule ya Sekondari Ushirombo.