Ujenzi wa vyumba vya madarasa wilaya ya Bukombe wapamba Moto

Imewekwa: February 13th, 2018

Wananchi wilaya ya Bukombe waendelea kuhamasika na ujenzi wa miundombinu ya sekta ya elimu,ambapo hadi sasa ujenzi wa vyumba vya Madarasa 170 vya shule za msingi umeanza kwa Shule mpya 18.

Katika Shule hizo mpya,Shule ya Msingi Ilyamchele  iliyopo kata ya Namonge imefikia hatua nzuri ya kuanza rasmi, kwani Mpaka Sasa Ina vyumba vinne vilivyokamilika na maboma mawili ambayo yapo katika hatua za ukamilishaji,juhudi za uhamasishaji zinaendelea kwa kuamsha ari ya jamii kushiriki na kuchangia shughuli za maendeleo, huku wakiendelea kufafanuliwa waraka namba 6 unaoeleza wajibu wa Serikali ,mzazi na jamii.

Aidha Watendaji wa Kata,vijiji na maafisa elimu kata wamefunga mkataba wa mwajiri kuhakikisha wanahamasisha Na kusimamia ujenzi wa miundombinu. Na kujiwekea malengo Kuwa ifikapo mwezi juni 2018 mahitaji ya vyumba 131 kwa wanafunzi wa darasa la kwanza viwe vimekamilika.

Huku ujenzi wa vyumba vya Madarasa kwa Shule za sekondari ukiendelea ambapo hadi kufikia Sasa vyumba 26 Vimejengwa,misingi ya madarasa mitano,maboma ya madarasa 12 yamekamilika,vyumba 7 vya Madarasa vimepauliwa,Madarasa 2 katika hatua ya lipu.

Uhamasishaji huu umeanza baada ya Mkuu wa Mkoa wa Geita Mhandisi Robert Gabriel kuzindua kampeni ya ujenzi wa miundombinu ya sekta ya Elimu na Afya, na hii imetokana na upungufu mkubwa wa vyumba vya madarasa kwa mwaka 2018 kutokana na uandikishaji mpya wa wanafunzi wa awali na wanafunzi wa darasa la kwanza. 

Ukamilishaji wa miundombinu hit ya Shule za msingi utapunguza upungufu wa Madarasa 131,harassa kwa Mwananchi ya kuchangia kwa hiyari na mali bado inaendelea katika kata ya Bulega ambapo vyumba vya madarasa vitano vimefikia hatua ya renta,na msingi wa vyumba viwili vya madarasa na ofisi ya walimu moja.  

                                   Shule ya Msingi Azimio  kata ya Bulangwa ikiwa katika hate ya Renta ujenzi wa vyumba vitatu.

                          Shule ya musing Ushirombo kata ya Bulangwa ikiwa hatua ya kupandisha vyumba viwili vya madarasa.

Shule ya Msingi Kapela kata ya Igulwa ikiwa katika hatua ya renta ya vyumba vitatu vya madarasa.

Ujenzi wa vyumba Vitano vya shule shikizi kata ya Bulega na musing wa vyumba viwili na ofisi moja ya walimu.