Ujenzi wa vyumba vya madarasa kukamilika kwa asilimia 100.

Imewekwa: December 29th, 2021

Ernest Magashi,Mwananchi

emagashi@mwananchi.co.tz

Bukombe.

Mkuu wa wilaya ya Bukombe mkoani Geita, Said Nkumba amesema ujenzi wa vyumba vya madarasa 107 umekamirika kwa asilimia 100 na chenchi imebaki kutokana na kushirikiana vizuri na wananchi kwa kuchimba msingi na kuongeza mchanga.

Nkumba ameyasema hayo wakati akizungumza na gazeti la Mwananchi kwa njia ya simu nakuongeza kati ya hayo madarasa 43 ya shule za msingi shikizi na madarasa 64 shule za sekondari na serikali ilileta sh 2.1 bilioni lakini kila eneo chenchi imebaki watalamu wanalifanyia kazi ili kubaini imebaki shiringi gapi kwa madarasa yote.

Nkumba amesema ujenzi wa madara hayo umekamilika na kwamba kesho Desemba 29, 2021 wanatarajia kumkabidhi mkuu wa mkoa wa Geita.

Amesema kipaumbele cha chenchi ambayo imebaki ni kuunga mkono jitihada za serikali kwa kujenga vyoo vya kisasa vya wanafunzi na walimu kwa kila shule.

Nkumba amesema licha ya kukamirisha ujenzi huo wanakutana na changamoto za kusafirisha vifaa vya ujenzi kutokana na maeneo mengine yalikuwa hayapitiki hadi wananchi walitoa nguvu zao kusomba kwa Baiskel.

MWISHO