Ulinzi wa Kigosi Moyowosi Bukombe kuimarika.

Imewekwa: May 19th, 2017

Meneja wa pori la Kigosi Moyowosi Bwana Imani J. Mkonda ametoa ufafanuzi wa faida za kuimarisha ulinzi wa pori la Kigosi.

Akiongea kwenye Mkutano wa Baraza la Halmashauri uliofanyika kupokea na kujadili taarifa za  utekelezaji robo tatu. Meneja alomba wananchi kuzingatia uhifadhi wa pori la Kigosi Moyowosi ambalo faida zake ni pamoja na kuongeza wanyama ambao ni kivutio cha watalii,pili ni misitu inaleta mvua  hali inayosababisha upatikanaji wa mvua maeneo haya ukilinganisha na sehemu nyingine.Waheshimiwa Madiwani wamehoji  vitendo vya kikatili vinavyofanywa na baadhi ya Askari wa wanyamapori kwa Mwananchi, katika kujibu hoja hiyo Meneja ameeleza askari nyamapori wanatakiwa kufanya kazi kwa kuzingatia sheria na taratibu za kazi zao na wale askari wanaokiuka wanapaswa kuchukuliwa hatua kama watumishi wengine wanavyofanya makosa,pia meneja amewaomba waheshimiwa madiwani kutoa taarifa haraka iwezekanavyo inapotokea mwananchi amefanyiwa kitendo cha kikatili na askari has ili hate za kinidhamu zichukuliwe mara moja.

Katika  kujibu ombi la Mhe.Juma Lushiku diwani wa kata ya Iyogelo kuwa Mwananchi kuruhusiwa kuingia kwenye hifadhi ya msitu wa Kigosi Moyowosi kwasasa Hifadhi inafanya utaratibu wa namna nzuri ya kutoa vibali kuvua samaki na kusisitiza wananchi wanapopewa  vibali hivyo basi wazingatie masharti yaliyopo na sio kujiingiza katika vitendo vya kiarifu mfano kuwinda wanyama,na kuchimba madini ya dhahabu katika hifadhi ya mista wa Kigosi Moyowosi,"kumekuwa na tabia ya kuomba kibali cha kulina asali  au kuvua samaki badala yake akiruhusiwa anaenda kuchimba dhahabu ambapo ni kinyume na kibali chaque hivyo anakuwa amevunja sheria". amesema Meneja huyo.

Aidha amefafanua kwanini Halmashauri ya wilaya ya Bukombe inakosa asilimia 25 (25%) yanayotokana na uwindaji, mapato hayo yanakosekana kutokana na kitalu kilichopo wilayani Bukombe  kutopata watalii kwa muda mrefu kutokana na Mwananchi kuendeleza kuvamia hifadhi kwa kuingiza mifugo hali iliyopelekea wanyama kuhama."Waheshimiwa madiwani wananchi waelimishwe kuondoa mifugo kwenye hifadhi ya Kigosi Moyowosi ili kuruhusu wanyama warudi kwenye hivi Vitalu vilivyopo Bukombe".amesisitiza Meneja huyo

 Waheshimiwa Madiwani wakisikiliza kwa makini maelezo ya Meneja wa Hifadhi ya msitu Kigosi Moyowosi.