“Ulipaji wa fidia uwekwe wazi kwa wananchi” DC Nkumba

Imewekwa: September 27th, 2018

Wananchi wa Kijiji cha Bukombe, kata ya Bukombe leo wamemthibitishia Mkuu wa Wilaya ya Bukombe Mhe . Said Nkumba kuwa taratibu zote za uthamini wa ardhi na ulipaji wa fidia kwa maeneo yatakayopitiwa na ujenzi wa kambi ya wafanyakazi wa Bomba la Mafuta linaloekea Tanga kutoka Uganda ulikuwa shirikishi na wa wazi, na kuwa wamekubali kulipwa fidia wanazostahili bila malalamiko yoyote.

Mkuu wa Wilaya alitaka kujiridhisha kupitia kwa wananchi wenyewe pasipokuwa na mashaka wala malalamiko yoyote kutoka kwa wananchi kuhusu taratibu zozote ambazo hawakuridhishwa nazo wakati wa zoezi la utambuzi wa maeneo mpaka kulipwa fidia zao. Katika Kikao hicho wananchi  wanaostahili kulipwa fidia, mmoja mmoja kwa nafasi yake wamesema mchakato mzima wa utambuzi wa maeneo hayo mpaka hatua ya kulipwa fidia umekuwa shirikishi na wawazi hivyo wameridhika na hawana malalamiko yoyote.

Takribani Watu 52 mane yao yatapitiwa na ujenzi wa kambi hiyo ambayo itaajiri wafanyakazi zaidi ya 1000, ikiwa kama fursa kwa wanaBukombe wenye sifa zinazokidhi kupata ajira, pia  kwa wana Bukombe ambao ni wajasiliamali watapata nafasi ya kuuza bidhaa mbalimbali ambazo ni mahitaji muhimu ya binadamu, mazao ya kilimo, biashara za nguo na mifugo.

Mwananchi wa kijiji cha Bukombe akishika mkono na Mkuu wa wilaya ishara ya kukubali namna watakavyolipwa fidia zao.

Bibi ambaye ni mwananchi wa kijiji cha Bukombe akimthibitishia Mkuu wa wilaya ya Bukombe kuridhika na namna ya kulipwa fidia.

Mwananchi kutoka Bukombe akimthibitishia Mkuu wa wilaya ya Bukombe namna wanavyolipwa fidia.

Mwananchi wa kijiji cha Bukombe akishika mkono na Mkuu wa wilaya ishara ya kukubali namna watakavyolipwa fidia zao.