USAID boresha Afya kunufaisha wana Bukombe

Imewekwa: September 4th, 2018

Wananchi wilayani Bukombe kunufaika na mradi wa boresha Afya utakaodumu miaka 5, mradi huu umeanza 2017 na utarajiwa kuisha 2021, mradi huu wenye lengo la kuboresha huduma za Afya zinazotolewa na wahudumu wa afya katika Zahanati, Vituo vya Afya na Hospital za wilaya kwa wamama wajawazito na watoto kutokana na changamoto kubwa zinazowakabili wa mama hao.

Mkuu wa wilaya ya Bukombe Mhe. Said Nkumba, Mwenyekiti wa Halmashauri Mhe. Safari Mayala, Mwenyekiti wa Kamati ya Elimu, Afya na maji Mhe.Leokadia Kasase pamoja na watoa huduma ya afya ya uzazi na mtoto wamepewa elimu ya kutoa  huduma zenye utu, heshima na staha zinazozingatia usawa kijinsia wakati  wa ujauzito, kujifungua na kunyonyesha.

Katika semina hiyo ya boresha afya, watoa huduma wameelimishwa kila Mwanamke, Mtoto na kijana wanayo haki ya kupata huduma za afya zenye ubora na  viwango stahiki kwa kadiri iwezekanavyo kwa kuzingatia haki, staha na utu wa Mwanamke ili kulinda afya ya mama na mtoto, pia ili kuboresha huduma za afya ya mama na mtoto ni lazima jamii iache ukatili wa kimwili,kingono kiuchumi na ukatili wa kihisia na kiakili mfano lugha chafu na ya kudharirisha kushindwa kupata huduma yenye ubora na ya kitaalamu. 

Akizungumza katika semina hiyo mratibu wa afya ya uzazi na mtoto wa wilaya Ndugu Masanja Nkolla amesema huduma ya afya na uzazi wa mpango ikiwa bora itapunguza vifo vya wazazi na watoto kwa kutengeneza mpango mkakati  wa mawasiliano kituoni ambapo kutakuwa na simu ya kituo cha afya ili kutoa taarifa kwa haraka, aidha huduma ya uzazi wa mpango ipo chini lakini kupitia USAID boresha afya watasaidia kuwezesha huduma kwa kutoa mafuta kwenye vituo ili wahudumu kuweza kufikia sehemu ambazo hazifikiki kwa urahisi, watanufaika na vifaa tiba , machine za kupumulia watoto na msaada wa kitaalamu, pia huduma ya mikoba itaboreshwa zaidi  kupitia mradi huu.   

Mwenyekiti wa Halmashauri ya wilaya ya Bukombe Mhe. Safari Mayala naye amesema wahudumu wa afya washirikishe waheshimiwa madiwani pale wanapotembelea kata au vijiji husika ili waweze kufanya na kamati za maendeleo  ya vijiji ili kutoa elimu hii ya afya ya uzazi na mtoto ambayo itaokoa maisha ya mama na mtoto, na amesema siku ya mkutano wa baraza atamualika mtoa huduma mmoja ili aweze kutoa elimu ya afya ya uzazi na mtoto kwa waheshimiwa madiwani ambao ni wawakilishi wa wananchi

Mkuu wa wilaya Mhe. Said J Nkumba katika semina hiyo amewataka watumishi wa afya kutimiza wajibu wao kwa kuzingatia huduma yenye staha na utu, pia amewaonya kuacha vitendo vya rushwa ambavyo vinafifisha huduma bora kwa wananchi, sambamba na hilo amesema atakuwa anaongozana na wahudumu wa afya katika mikutano ya hadhara ili kutoa elimu ya afya ya uzazi na mtoto ili kuokoa maisha ya mama na mtoto ambao hawahudhuri klinki,wanachelewa kufika katika vituo vya afya hali ambayo hupelekea vifo kwa watoto au mama kupata ugonjwa wa fistula.

Mkuu wa wilaya ya Bukombe mhe. Said Nkumba akichangia jambo katika semina ya boresha afya siku ya kwanza.

Kulia ni Mkuu wa wilaya ya Bukombe mhe. Said Nkumba, katikati ni Mwenyekiti wa Halmashauri ya wilaya ya Bukombe mhe.Safari Mayala katika kazi ya kundi kuhusu boresha afya siku ya pili. 

                                                                          Washiriki mbalimbali katika  Mafunzo ya boresha afya.

 Washiriki ambao ni wahudumu wa afya katika makundi  kuandaa mpango kazi wa Mafunzo ya boresha afya.

 Washiriki ambao ni wahudumu wa afya katika makundi  kuandaa mpango kazi wa Mafunzo ya boresha afya.

 Muuguzi Mwandamizi Agness Kessi na Katibu wa Afya Mayasa  katika makundi  kuandaa mpango kazi wa Mafunzo ya boresha afya.

Mratibu wa afya ya uzazi na mtoto wilaya Masanja Nkolla kushoto akiwa na Sheikh wakiandaa mpango kazi kwa makundi.

Miongoni mwa washiriki katika semina ya boresha afya Bi. Agness Kessi ambaye ni Muuguzi Hospital ya wilaya.

Relocates Kadoshi mwezeshaji  kutoka USAID Boresha afya ailpokuwa akichangia majadiliano.