Utekelezaji wa miradi mbalimbali unaendelea Bukombe

Imewekwa: September 20th, 2022

"Serikali ya Mama Samia imeshirikiana na nguvu za wananchi na Mbunge wao katika kujenga na kukamilisha shule ya msingi Lyobahika"

Hayo yamesemwa na diwani wa Kata ya Uyovu iliyoko Wilaya ya Bukombe Mkoani Geita Mhe Inyasi Kurusanga Maige alipokuwa anaeleza juu ya furaha ya wananchi ya ujenzi wa madarasa ya kisasa na kusema kuwa mazingira bora ya kujifunzia yataleta matokeo makubwa kwa shule hii.

Ujenzi wa Shule hii ulianzishwa kwa nguvu za wananchi ambapo Mbunge wa Jimbo la Bukombe Mhe Dkt. #DotoBiteko alitoa mabati 250 ya kuezeka na Saruji 342 kabla ya Serikali ya mama Samia kuleta Tsh. Milioni 93 za kukamilisha shule hii.

"Tunaishukuru serikali yetu ya Wilaya chini ya Mkuu wa Wilaya Mhe Said Nkumba kwa usimamizi mzuri wa miradi ndani ya kata yetu"- ameongeza Mhe Inyas

Aidha Mwl Frances Jumanne ni miongoni mwa walimu wa shule hii ambaye anamshukuru sana Biteko kwa jinsi anavyoendelea kushughulikia kero za walimu wa Bukombe na kusema kuwa tulikuwa mbali huku akipongeza kwa kuboreshewa mazingira ya kufanyia kazi na kuahidi matokeo makubwa katika mtihani wa Darasa la Saba mwaka huu 2022.

#KusemaNaKutenda

#Kaziiendelee