Wafanyakazi wa NMB Benki wafanya usafi kituo cha Afya Ushirombo

Imewekwa: September 26th, 2018

 Wafanyakazi wa Benki ya NMB tawi la Bukombe mapema leo wamefanya usafi wa kujitolea katika kituo cha Afya Ushirombo wilayani hapa. Meneja wa tawi hilo Ndugu George Fundi amesema kujitoa kwao kufanya usafi katika kituo hicho ni jitihada za kuendelea kuhamasisha jamii kushiriki kutunza mazingira rafiki kwa wagonjwa na pia kuunga mkono kazi kubwa wanazofanya madaktari na wauguzi katika Kituo hicho cha Afya” NMB Bukombe ni sehemu ya jamii na kwakuwa muda wote wa wiki uwa tunahudumia wateja benki na tunapata nafasi ndogo kushiriki na jamii, hivyo siku hii ya usafi duniani tumeona tufanye usafi kituo hiki kuunga mkono jitihada za serikali” alisema Meneja.

Pia, Meneja NMB tawi la Bukombe ameipongeza Ofisi ya Mkurugenzi Mtendaji wa Halmashauri kwa usimamizi mzuri wa mradi wa Uboreshaji wa miundombinu unaoendelea kituo cha afya Ushirombo ambao unalenga kuhakikisha wananchi wanapata huduma bora na za uhakakika.

                             Wafanyakazi wa Benki ya NMB tawi la Bukombe wakifanya usafi katika kituo cha Afya Ushirombo.

                              Wafanyakazi wa Benki ya NMB tawi la Bukombe wakifanya usafi katika kituo cha Afya Ushirombo.

                                             Meneja wa NMB Ndugu George Fundi aliyeshika Mopa wakifanya usafi nje ya Maabara .