Wakuu wa idara watakiwa kukamilisha miradi ya Maendeleo ifikapo machi 30,2022.

Imewekwa: February 18th, 2022

Mwenyekiti wa Halmashauri ya Wilaya ya Bukombe Mhe.Mohamed Yusuph Mohamed amewaagiza Wakuu wa Idara na Vitengo kuhakikisha wanakamilisha miradi yote ifikapo Machi 30, 2022.

"Hatutaki kuona fedha za miradi ya maendeleo zinavuka mwaka na kurudi Hazina. Tunataka fedha zote zitumike ili wananchi waweze kupata huduma na tutakuwa tumewatendea haki."

Mohamed ametoa wito huo wakati akihairisha balaza la Madiwani lililoketi tarehe 18 februari, 2022 kwa ajili ya kupitia taarifa za maendeleo robo ya pili kwa mwaka wa fedha 2021/2022.

Awali Diwani wa kata ya Ushirombo Mhe. Rameck Warangi amepongeza hatua za ujenzi wa kiwanda cha kuchakata na kufungasha Mazao ya Nyuki na kusisitiza kuwa kiwanda kikamilike na kianze kuzalisha.

"Tunataka kiwanda kikamilike na kianze kuzalisha ili halmashauri yetu iweze kukusanya mapato."

Naye kaimu Mkurugenzi Mtendaji wa Halmashauri ya Wilaya ya Bukombe Gervas Magashi amewahakikishia Madiwani kuwa atatekeleza maazimio ya baraza ili halmashauri iweze kutoa huduma bora kwa Jamii.

Aidha amewata Wakuu wa Idara na Vitengo kutekeleza wajibu wao kwa kushirikiana na wahe. Madiwani.