Mkakati ni Kuondoa Ziro na Kupunguza Ufaulu wa Daraja la Nne

Imewekwa: February 2nd, 2022

"Mkakati ni Kuondoa ziro na kupunguza ufaulu wa Daraja la nne katika shule zetu za sekondari."Mhe.Yusuph.

Mwenyekiti wa Halmashauri ya Wilaya ya Bukombe Mhe. Yusuph Mohamed Yusuph amewataka Wakuu wa shule kuhakikisha wanaweka mkakati wa kuondoa ziro na kupunguza ufaulu wa Daraja la nne katika matokea ya mtihani wa Taifa kidato cha nne na sita kwa lengo la kuongeza ufaulu wa wanafunzi kuanzia daraja la tatu hadi la kwanza.

" Ufaulu wa kidato cha nne na kidato cha sita tunategemeana walimu wa shule za Msingi na sekondari.Tukiweka nia inawezekana kabisa kuondoa ziro katika matokeo ya kidato cha nne na kidato cha sita.

Aidha amesema kuwa shukrani pekee ya kumpa Rais wetu katika madarasa haya ya UVIKO - 19 ni kuhakikisha tunafundisha kwa bidii na watoto wanafaulu."

Hayo ameyasema tarehe 1 Februri, 2022 wakati wa ziara ya kamati Fedha Uongozi na Mipango ilipotembelea miradi inayotekelezwa chini ya Mpango wa Maendeleo wa Taifa na Mapambano dhidi ya UVIKO - 19 ambayo ni ujenzi wa vyumba vya madarasa kumi katika shule shikizi Idoselo, vyumba sita vya madarasa katika shule ya sekondari Namonge, vyumba viwili vya madarasa katika shule shikizi Mkange, chumba kimoja cha darasa katika shule ya sekondari Iyogelo na vyumba vinne vya madarasa katika shule ya sekondari Busonge.

Aidha amewapongeza walimu kwa ufaulu mzuri wa matokeo ya kidato cha nne kwa mwaka 2021.

"Hongereni walimu kwa ufahulu mzuri wa matokeo ya kidato cha nne kwa kushika nafasi ya kwanza kimkoa.Asanteni kwa kazi nzuri."

Akiongea katika ziara hiyo Fundi Sanifu Majengo Neema Makala amewataka Wakuu wa Shule na walimu wakuu kuhakikisha wanaomba idhini ya kutumia  fedha pamoja na vifaa vilivyobaki wakati wa ujenzi wa miradi ili viweze/ziweze kutumika katika miradi mingine.

Akiongea katika mradi wa ujenzi wa kituo cha Afya Bufanka kinachotekelezwa na fedha ya Tozo ya Mawasiliano kiasi cha shilingi Milioni 250 Mhe. Yusuph amemtaka Mganga Mkuu wa Kituo hicho kuhakikisha anaongeza idadi ya mafundi ili kituo kiweze kukamilika kwa wakati na kiweze kutoa huduma kwa wananchi.

Naye Mganga Mkuu wa Kituo hicho Winifrida Daudi amesema kwa kipindi cha mwezi Disemba, 2021 miundombinu ya barabara iliharibika na kupelekea magari ya kubeba vifaa vya ujenzi kushindwa kufika eneo la mradi.

Mradi mwingine wa afya uliotembelewa ni pamoja na ujenzi wa kituo cha Afya Namonge kilichopokea kiasi cha shilingi Milioni 400 kutoka Mfuko wa Afya wa Pamoja na kipo katika hatua ya umaliziaji.