Wananchi kubuni michezo yenye Afya na Furaha.

Imewekwa: May 13th, 2017

Mwenyekiti wa Michezo wilayani Bukombe amble pia ni Katibu Tawala wa Wilaya ya Bukombe Bwn.Paul Cheyo akabidhi Makombe ya Ushindi kwa timu zilizoibuka kidedea katika michuano mikali kati ya Timu ya Mashabiki wa Simba na Yanga wilayani Bukombe, ambapo timu ya mashabiki Yanga yaibuka kidedea  na kujinyakulia kombe la Ushindi kwa kuwapa kichapo timu ya mashabiki Simba kwa mabao 2 - 1.

Aidha Mshauri wa Mgambo wa wilaya Afande Kalelemba awaomba wananchi kubuni michezo mbalimbali ili kujenga mwili kiafya, pia muleta furaha na kujipatia kipato kupitia michezo hiyo.

Mazoezi haya hufanyika siku ya Jumamosi kilo banda ya wiki mvili,ambapo Mwananchi na watumishi mbalimbali wa taasisi za Umma wilayani Bukombe huanza na mbio fupi kuelekea uwanja mkubwa wa michezo Ushirombo kwaajili ya Michezo mbalimbali,mpira wa Pete, mpira wa kikapu na mpira wa Miguu.

Time ya mpira wa pete ya Watumishi wa Umma yaibuka na Ushindi wa mabao 25 - 6 dhidi ya Timu ya Msalaba Mwekundu ya wilaya ya Bukombe. Huku timu ya kikapu ya Shule ya Sekondari Ushirombo ikiibuka na ushindi dhidi ya Vijana chini ya miaka 16.

Kaimu Mkurugenzi wa Halmashauri ya Wilaya ya Bukombe  Bwn.George Sabuni awashukuru wananchi kwa kujitokeza kwa wingi kushiriki  mazoezi na michezo mbalimbali ili kujenga Afya na kuwa na furaha ya pamoja. "Maana michezo ni Afya na ni furaha" amesema Sabuni.