WANANCHI TUENDELEE KUSHIRIKI KATIKA SHUGHULI ZA MIRADI YA MAENDELEO.

Imewekwa: November 21st, 2023

Mkuu wa Wilaya ya Bukombe Mhe. Said Nkumba amewata wananchi kuendelea kushiriki katika shughuli za miradi ya maendeleo ili miradi iweze kukamilika na kuanza kutoa huduma."Hakikisheni mnaendeleza nguvu kazi katika utekekelezaji wa miradi yenu ili kuwapunguzia umbali mrefu watoto wetu kwenda kutafuta elimu."Nkumba ameyasema hayo wakati akishiriki zoezi la upangaji wa mawe katika ujenzi wa vyumba viwili vya madarasa shule ya Msingi shikizi ya Mwamadilana iliyopo kata Bugelenga.Kwa upande wake Dickson Thobias Mwananchi kutoka kata ya Bugelenga amemshukuru Mkuu wa Wilaya kwa kuonyesha njia kwa kushirikiana na wananchi katika zoezi la upangaji mawe." Tunakushukuru sana kwa kuongeza hamasa  na umekuwa mfano wa kuigwa katika Wilaya yetu."Sambamba na kushiriki ujenzi wa vyumba viwili vya madarasa Nkumba  ameweza kutembelea mradi wa kilimo cha Kisasa cha Mahindi kwenye shamba bora la mwananchi kata ya Iyogelo pia ameweza kusikiliza kero za wananchi pamoja na kuzitolea majibu.