Watendaji wa Kata Wapatiwa afunzo

Imewekwa: December 5th, 2022

Watendaji wa kata na vijiji wamepatiwa Mafunzo ya Uandaaji  wa Mpango na Bajeti za kata na vijiji kupitia mfumo wa O and OD uliyoboreshwa ikiwa ni maandalizi ya kuelekea Utekelezaji wa Shughuli ya kuandaa Mpango na Bajeti ya Mwaka 2023/2024.

Mafunzo hayo yamefanyika Leo tarehe 5/12/2022 Katika Ukumbi wa Mikutano wa Halmashauri, ambapo Washiriki wamepatiwa Mafunzo toka kwa Wataalamu wa Halmashauri kupitia Idara ya Mipango.

Aidha Mafunzo hayo yamelenga Kuwajengea Uwezo watendaji wa kata na vijiji  juu ya namna ambavyo wanapaswa kufanya Maandalizi ya Mpango na Bajeti kwa Kuzingatia Miongozo mbalimbali inayohusika Katika Uandaaji wa Mpango na Bajeti.

Halmashauri ya Wilaya ya Bukombe tayari imeanza kufanya Maandalizi ya Mpango na Bajeti kwa Mwaka wa Fedha 2023/2024, lengo likiwa ni kuhakikisha inatekeleza shughuli hiyo muhimu kwa wakati ili kuepuka ucheleweshaji wa uwasilishaji wa Mpango na Bajeti kwa Mamlaka husika.