Yaliyojili Leo Tarehe 27 Januari,2022.

Imewekwa: January 27th, 2022

Ufunguzi wa Mwongozo wa Mafunzo ya Miongozo na Kalenda za Utekelezaji wa Mitaala Ngazi ya Elimu ya Awali, Msingi na Sekondari - Tanzania Bara kwa Maafisa Elimu Kata, Wakuu wa Shule na Walimu Wakuu.

*MKURUGENZI MTENDAJI WA HALMASHAURI YA WILAYA YA BUKOMBE - LUTENGANO GEORGE MWALWIBA.*

#Mafunzo haya yakawe jawabu la kuona ni namna gani wanafunzi wetu watafundishwa kwa uwiano sawa nchi nzima.

#Mafunzo haya yakawe njia ya kufundishana, kuelekezana pamoja na kutatua changamoto za ufundishaji na ujifunzaji.

#Zungumzeni, jadilianeni kupitia mwongozo ili watoto wetu waweze kupata elimu iliyo na uwiano sawa.

#Kuweni na mjadala wa kisomi lakini kwa kufuata mwongozo.

#Watakapopimwa watoto wetu iwe rahisi kuona wanapimwa katika kile ambacho watoto wote wanapimwa.

#Naamini itakuwa ni sehemu ya kupunguza changamoto ya ufundishaji na ujifunzaji.

#Nawapongeza Idara ya Elimu Sekondari mmefanya vizuri sana kwenye matokeo ya kidato cha pili na kidato cha nne na mmeongoza Kimkoa.

#Matokeo haya yameleta hamasa ya kuona kuwa kuna kazi kubwa inayofanyika Bukombe.

#Nawapongeza Idara ya Elimu Msingi mnafanya vizuri katika usajili wa wanafunzi lakini ongezeni jitihada zaidi katika taaluma.

#Waalimu mnafanya kazi nzuri, tuendelee kushirikiana.

#Kunamaeneo ya kuboresha, nawaahidi tutaendelea kuyaboresha lakini tuhakikishe tunatimiza wajibu wetu.

#Heshima ya mtumishi yoyote ni kutimiza wajibu wake.

#Tusiwaibie wanafunzi mitihani kwani kwa kufanya hivyo tunakwenda kutengeneza Taifa la hovyo.

#Tuwafundishe na kuwapima kwa usahihi.

#Afisa Elimu Msingi na Sekondari hakikisheni mnaweka bajeti ya mafuta kwa Maafisa Elimu Kata katika mpango wa bajeti wa mwaka 2022/2023 ili waweze kufuatilia suala la ufundishaji na ujifunzaji katika shule zetu.

#Asanteni Walimu mmetuheshimisha sana katika usimamizi wa miradi ya UVIKO -19 kwani mpaka sasa kidato cha kwanza, darasa la kwanza wanavyumba vya madarasa na wanafunzi wanakaa kwenye dawati, kiti na meza.

*MTHIBITI MKUU UBORA WA SHULE WILAYA YA BUKOMBE - SELEMAN KUHANGA*

#Asante sana Mkurugenzi Mtendaji kwa kutufungulia mafunzo haya.

#Mafunzo haya yamelenga kujadili kwa kina namna bora ya kuifuata na kutumia kalenda ya utekelezaji wa mitaala shuleni ili kusaidia katika suala zima la ufundishaji na ujifunzaji.

#Mwongozo huu wa mafunzo umeandaliwa na OR- TAMISEMI kwa kushirikiana na Wizara ya Elimu, Sayansi na Teknolojia.

Imetolewa na-:

Kitengo cha TEHAMA

Halmashauri ya Wilaya ya Bukombe

Tarehe 27 Januari, 2022