Yaliyojiri leo tarehe 4/9/2021.

Imewekwa: September 5th, 2021

Kufunga Tamasha la Ligi ya Doto cup 2021 Wilayani Bukombe.

WAZIRI WA HABARI, UTAMADUNI, SANAA NA MICHEZO MHE. INNOCENT BASHUNGWA (MB).

#Namshukuru Mwenyezi Mungu ambaye ameniwezesha kufika Bukombe kwenye viwanja vya shule ya sekondari Ushirombo.

#Pamoja na wajumbe nilioambatana nao tunawashukuru kwa mapokezi yenu mazuri asanteni sana.

#Hapa Bukombe kweli mpira upo.

#Leo nimejionea mwenyewe pamoja na Wabunge ambao tupo hapa.

#Kwa kweli hapa vipaji vipo. Hongereni sana.

#Ninakupongeza sana Mhe.Biteko kwani kuna msemo usemao ukiona vyaelea ujue vimeundwa.

#Wewe ndiye uliyesaidia kuviunda vipaji hivi na kuvitengenezea mazingira wezeshi na kuhakikisha kila mwaka kunakuwa na Ligi inayoitwa Doto Cup kutoka mwaka 2016 mpaka hivi sasa.

#Huu ni upendo wa kipekee kwa wanabukombe. Mwenyezi Mungu akubariki sana.

#Rais wa Jamhuri ya Muungano wa Tanzania Mhe.Samia Suluhu Hassan amenipatia maelekezo mahususi ya kuhakikisha tunatambua vipaji kuanzia ngazi ya Kijiji hadi Tarafa.

#Kuhakikisha tunarudisha uhai wa UMITASHUMITA na UMISETA.

#Kurudisha Taifa Cup ili kuinua vipaji kwenye Mikoa.

#Kwa kazi nzuri unayoifanya ni kuhakikishie kuwa serikali itaendelea kuungana na wewe ili kuendeleza vipaji hivi.

#Kwa kazi nzuri ambayo nimeiona ya maendeleo ya michezo nitawaagiza Chuo Cha Michezo Malya kuweka kituo shikizi hapa.

#Waalimu wa michezo katika shule zetu pamoja na wale wanaotaka kusomea Ukocha na Uamuzi wapate elimu hiyo bila usumbufu wowote.

#Naahidi mifuko 100 ya saruji kama zawadi yangu kwenye mashindano haya.

#Mifuko hii ikajenge Uwanja wa Michezo wa Halmashauri.

#Ili mashindano yajayo yakafungiwe kwenye uwanja wa Halmashauri.

#Serikali inataka kuanzisha shule mahususi za Michezo.

#Kila Mkoa utakuwa na shule ya msingi na sekondari maalumu kwa ajili ya michezo.

#Mkoa wa Geita utanufaika na mpango huu maalumu wa serikali.

#Napenda kuwakumbusha na kuwasisitiza Makatibu Tawala wa Mikoa na Wilaya kuwa wao ndiyo wenyeviti wa kamati za michezo.

#Simamieni majukumu yenu.

#Nimalizie kwa kuwapongeza washiriki wote wa mashindano ya Doto Cup.

#Hongereni kwa kushiriki na hongereni washindi wote.

#Napenda kuwakumbusha wanabukombe endeleeni kuchukua taadhari ya ugonjwa wa UVIKO - 19.

#Mimi nimechanja nawahamasisha na nyinyi mkachanje.

#Kuchanja ni hiari lakini mimi nasema kuchanja ni muhimu.

Imetolewa na :-

Kitengo cha TEHAMA

Halmashauri ya Wilaya ya Bukombe

Tarehe 4 Septemba, 2021.