Yaliyojiri Tarehe 24, February, 2023 Wakati wa Kikao cha Baraza la Waheshimiwa Madiwani Robo ya Pili

Imewekwa: February 25th, 2023

 MKUU WA WILAYA YA BUKOMBE MHE.SAID NKUMBA

#Namshukuru sana Mhe.Rais kwa Imani kubwa aliyonipatia ya kuendelea tena kuwatumikia wananchi wa Wilaya ya Bukombe.

#Mimi ni yule yule kitakachobadilika ni utendaji kazi ili kutimiza malengo ya Mhe.Rais.

#Bukombe ni eneo ambalo lipo salama, eneo ambalo watu wanafanya kazi kwa ushirikiano.

#Naipongeza sana Menejimenti kwa kazi kubwa wanazozifanya.

#Ofisi yangu inapata ushirikiano mkubwa sana kutoka kwa Mkurugenzi Mtendaji kupitia mambo mbalimbali.

#Napenda kuwakumbusha na kuwahimiza watendaji na watumishi kuwa uhai wa halmashauri unapimwa kwa ukusanyaji mapato, twendeni tukakusanye mapato ili kuiweka halmashauri yetu hai.

#Mtawanyiko wa mvuo siyo mzuri twendeni tukawaelekeze wananchi wetu juu ya utunzaji wa chakula na kulima mazao yanayostahimili ukame.

#Tunamshukuru Mhe.Rais kupitia Wakala wa Taifa wa Hifadhi ya  Chakula (NFRA) kwa kutupatia tani 360 za mahindi na jumla ya wananchi 6,240 wamenufaika na mahindi hayo.

#Tumepunguza  kasi ya kupanda kwa bei ya mahindi kwenye Wilaya yetu.

#Mahindi bado yapo wananchi waendelee kujitokeza kuyanunua.

#Kwenye upande wa miradi ya TASAF hali si nzuri twendeni tukaisimamie ili iweze kukamilika kwa wakati na kwa kiwango kile kile ambacho serikali imekusudia.

#Maeneo ambayo hatujayakamilisha twendeni tukayakamilishe hasa zahanati ya Kiziba na Nasiluluma.

#Tukasimamie ukamilishaji wa matundu ya vyoo kwenye shule mpya katika shule ya sekondari Mwalo na Buganzu

#Kwa mwaka 2023 jumla ya wanafunzi 8428 ndiyo waliopagwa kujiunga na kidato cha kwanza.Jumla ya wanafunzi 7402 sawa na asilimia 88 ndiyo walioripoti na 1026 sawa na asilimia 12 bado hawajaripoti.

#Wanafunzi  ambao hawajaripoti shuleni  pamoja na walezi wao watambulike na nipate   orodha yao siku ya Jumatatu.

#Wanafunzi wote waende shule kabla hatua stahiki hazijachukuliwa.

#Tumetoa muda mrefu sasa imetosha.

#Tunataka watoto wote waende shule.

#Matukio ya kuiba na kuvunja nyumba za wananchi yamekuwatishio

#Kamati za kata za usalama kaeni kwa kushirikiana na jeshi la polisi ili kudhibiti hali ya uhalifu katika Wilaya yetu.

#Tunataka Wilaya salama

 MWENYEKITI WA KAMATI YA SIASA WILAYA MATONDO KIHANDA LUTONJA

#Napenda kutoa shukrani zangu za dhati kwa Baraza za Waheshimiwa Madiwani na Uongozi wa Halmashauri   kwa kuendelea kutekeleza Ilani ya Chama Cha Mapinduzi katika Wilaya yetu.

#Mmeweza kusimamia ipasavyo suala la ukusanyaji wa mapato na kutoa  mikopo yenye thamani ya kiasi cha  shilingi  222,290,973.30 hongereni sana.

 MWENYEKITI WA HALMASHAURI MHE.YUSUPH MOHAMED YUSUPH

#Viongozo wenzangu nawashukuru kwa ushirikiano mliyouonyesha wakati wa kikao chetu cha baraza 

#Katika suala la usimamizi wa miradi ya maendeleo Watendaji wa halmashauri kasimamieni miradi ya SWASH kwani miradi hii  ni ya muda mrefu tunataka ifikie hitimisho ili iweze kutoa huduma iliyokusudiwa.

 MKURUGENZI MTENDAJI LUTENGANO G.MWALWIBA

#Nitumie nafasi hii kukupongeza Mhe.Mkuu wa Wilaya kwa kuaminiwa na Mhe.Rais na kuteuliwa tena kuendelea kuwatumikia wananachi wa Bukombe.

#Tutaendelea kukupa ushilikiano ili tuweze kuiletea maendeleo halmashauri yetu.

#Mheshimiwa Mwenyekiti kupitia baraza lako tunaahidi kufanya kazi  kwa nguvu zaidi na kuboresha pale panapoonekana hatufanya vizuri.

#Katika suala la ukusanyaji wa mapato tunaahidi kuongeza nguvu hasa kwenye upande wa leseni za biashara ili tuweze kutoa huduma bora kwa wananchi na kwa wakazi wa Wilaya ya Bukombe.

Imetolewa na :-

Kitengo cha Mawasiliano Serikalini 

Halmashauri ya Wilaya ya Bukombe 

Tarehe 25 February, 2023.