Yaliyojiri Wakati wa Ufunguzi wa Mkutano wa Nusu Muhura wa Chama Cha Walimu

Imewekwa: October 21st, 2022

AFISA TAWALA  ALLY MKETO

Nipo hapa kwa niaba ya Mkuu wa Wilaya ya Bukombe Mhe Said Nkumba. Mkuu wenu wa Wilaya anawapenda sana.

Nawapongeza Walimu kwa kazi nzuri mnazozifanya hasa kwa matokeo mazuri kuanzia darasa la saba mpaka kidato cha sita.

Mmetuheshimisha kwa kututoa mkiani na kutupeleka kileleni.

Tuendelee kuongoza ili sifa yetu ya kufaulisha ibaki pale pale

Tunamshukuru Rais wetu kwa kutuletea Mabilioni ya fedha katika sekta ya elimu.

Lengo ni kuhakikisha  kuwa watoto watakaochaguliwa kujiunga na kidato cha kwanza 2023 wote wanakwenda shule

Tumuunge mkono Rais wetu na  tuendelee kumuombea ili Mungu aendelee kumpa afya njema.

Miaka ya nyuma tulikwama katika zoezi la upandishaji madaraja kwa walimu.

Mpaka sasa walimu wote wameishapandishwa madaraja yao.

Amefanikisha kuongeza mshahara kwa asilimia 23.3 kwa watumishi wa kima cha chini 

Tumuunge mkono Rais wetu kwa kufanya kazi kwa juhudi,  maalifa pamoja na kwa weredi uliotukuka.

Ualimu ndiyo Taaluma yenye heshima.

Mwalimu pekee ndiye anayeweza kutengeneza jamii nzuri na yenye heshima.

Walimu tuzingatie sheria, taratibu na kanuni za ualimu ili kujiepusha na utovu wa nidhamu mahali pa kazi.

MWENYEKITI WA CHAMA CHA WALIMU WILAYA JOHN JOSEPH LUKIKO

Tunawakaribisha sana katika mkutano wetu wa nusu muhula Januari 2020 - Septemba 2022.

Tunakushukuru Afisa Tawala Wilaya kuja kutufungulia Mkutano wetu kwa niaba ya Mkuu wa Wilaya.

Tunamuomba Afisa Utumushi Wilaya bajeti ijayo iongezwe kwa ajili ya  kuwaendeleza waalimu kitaaluma  ili walimu wengi wapate nafasi.

Suala la uhamisho kwa walimu lipewe kipaombele ili kuongeza ufanisi wa kazi kwa walimu.

AFISA UTUMISHI WILAYA MAJAGA TANDASI

Tunamshukuru Rais wa Jamhuri ya Muungano wa Tanzania kwa kutupatia shilingi Milioni  300 ikiwa ni mkopo kwa watumishi.

Walimu wote wenye vigezo vya kukopa na walioomba watapatiwa mkopo huo.

Walimu hakikisheni mnajaza fomu za OPRAS ili muweze kupimwa utendaji kazi na kuweza kupanda madaraja kwa wakati.

Hakikisheni mnajaza vizuri fomu za malimbikizo ya mishahara ili muweze kulipwa stahiki zenu kwa wakati.

Walimu tuchepe kazi na kazi zetu zionekane kwa vitendo.

Mwalimu nguvu moja, Sauti moja.

Imetolewa na 

Kitengo cha Mawasiliano Serikalini

Halmashauri ya Wilaya ya Bukombe

Tarehe 21 Oktoba, 2022.

Wajumbe wa Mkutano Chama Cha Walimu