Asante kwa Kuiheshimisha Bukombe

Imewekwa: May 3rd, 2023

Mkurugenzi Mtendaji wa Halmashauri ya Wilaya ya Bukombe Lutengano Mwalwiba amemkabidhi Afisa lishe Bi.Lissa Mwakyusa kiasi cha shilingi 200,000 kama pongezi kwa kuifanya Bukombe kushika nafasi ya kwanza Kimkoa kwa kipindi cha robo ya 3 kwa mwaka wa fedha 2022/2023 katika utekelezani wa shughuli za lishe.

Kiasi cha fedha hizo amekitoa wakati wa kikao cha kazi cha Wakuu wa Divisheni na Vitengo pamoja na Timu ya Uendeshaji Huduma za Afya (CHMT).

"Hongereni sana Kitengo cha lishe kwa kutuheshimisha kwani tumekuwa tukifanya vibaya kwenye shughuli za lishe kwa miaka miwili mfululizo."

Kwa upande wake Lissa Mwakyusa amemshukuru Mkurugenzi Mtendaji kwa kuwa bega kwa bega katika utekelezaji wa shughuli za lishe kwa kuhakikisha watoto chini ya umri wa miaka mitano wanapata lishe bora yenye virutubisho muhimu hasa katika siku 1000 za awali za makuzi ya mtoto.

Aidha Lutengano amewataka Wakuu wa Divisheni na Vitengo kufanya kazi kwa ushirikiano ili kuyafikia malengo ya Halmashairi.

"Mpaka sasa Halmashauri imekwishapokea zaidi ya shilingi Bilioni 11 kwa ajili ya utekelezaji wa miradi ya maendeleo hivyo tushirikiane ili miradi yetu iweze kukamilika kwa wakati na katika viwango vile vile ambavyo Serikali imekusudia."

Vile vile Lutengano alimkabidhi  Afisa Muuguzi Mkuu wa Wilaya Diana Sadick Tisheti 350 ambazo zimetolewa na Mbunge wa Jimbo la Bukombe Mhe.DKT Doto Biteko zitakazotumika katika Maadhimisho ya Siku ya Wauguzi Duniani tarehe 19 Mei, 2023.