DC Nkumba, Serikali Imejibu Kilio chenu.

Imewekwa: August 11th, 2020

“Serikali imejibu kilio chenu, toka mwanzo niliwaambia mkijitolea katika shughuli za maendeleo serikali  itawaunga mkono”

Mkuu wa Wilaya ya Bukombe Mhe. Said Nkumba ameyasema hayo  tarehe 11 Agosti, 2020 alipofanya ziara ya kuhamasisha  shughuli za maendeleo kwa shule zilizopata fedha za lipa kulingana na matokeo (EP4R) katika shule ya msingi Ibamba,  Kasongola,  Azimio,  Ilemela,  Lyobahika na Uyovu.

Aidha DC Nkumba ametoa maelekezo kuwa kila chumba cha darasa kimoja kisizidi kiasi cha shilingi Milioni 15 hivyo tunahitaji nguvu za wananchi ili tuweze kupata madarasa mengi zaidi yatakayoweza kutatua upungufu wa vyumba vya madarasa.

Naye Jafali Abdalah mwananchi wa kijiji cha Kasongola ameishukuru serikali ya Jamhuri ya Muungano wa Tanzania kwa kutatua  changamoto ya msongamano wa wanafunzi na kuamua kuunga mkono nguvu za wananchi .

Kwa upande wake Afisa Mipango wa Wilaya Sylvia Rwehabula amewataka wananchi kuhakikisha ujenzi unakamilika ndani ya miezi matatu ili  fedha hizo zisiweze kurudishwa hazina.

“Hakikisheni mnazitumia fedha zilizoletwa ili zisiweze kurudishwa”

Idara ya Elimu Msingi imepokea kiasi cha Shilingi Milioni 720 kwa ajili ya ujenzi wa madarasa  36 ambapo kila chumba kitagharimu kiasi cha shilingi Milioni 20.

Mkuu wa Wilaya ya Bukombe Mhe. Said Nkumba akiongea na wananchi wa kijiji cha Ibamba.

Afisa Mipango wa Wilaya Sylivia Rwehabula akiongea na wananchi wa kijiji cha Ibamba.

Jafali Abdalah mwananchi wa kijiji cha Kasongola akitoa shukrani zake.

Baadhi ya wananchi wa kijiji cha Ibamba.