NATAKA KUONA WANAFUNZI WOTE WANAPATA CHAKULA MASHULENI

Imewekwa: February 12th, 2025

Mkuu wa Wilaya ya Bukombe Mhe. Paskasi Muragili amewataka Watendaji wa Kata kuhakikisha wanafunzi wote wanapata chakula kuanzia madarasa ya awali mpaka Sekondari. 

" Kikao kijacho isiwepo shule ambayo haitatoa chakula shuleni angalau mlo mmoja kwa siku kwani uwepo wa chakula shuleni kutaleta ongezeko kubwa la ufaulu kwa wanafunzi na pia kutapunguza tabia ya utoro mashuleni kwa baadhi ya wanafunzi."

Hayo ameyasema leo tarehe 12 February, 2025 wakati wa kikao cha utekelezaji wa shughuli za lishe kwa kipindi cha robo ya pili Oktoba - Disemba 2024.

Aidha amewaagiza Watendaji wa Kata kuhakikisha wanatekeleza viashiria vya lishe kwa asilimia mia moja kwa kila robo ili kuweze kufikia malengo ya shughuli za lishe kwa mwaka.

"Kwa kata zilizopata alama nyekundu robo hii iwe mwisho, nataka kuona kata zote zinapata alama ya kijani na nitalisimamia hilo."

Aidha amesema kuwa kwa kushilikiana na wataalamu atahakikisha Bukombe inakuwa ni shamba darasa la uyekelezaji wa afua za lishe.

"Matarajio yangu ni kuona watu wanakuja kujifunza Bukombe jinsi tunavyotekeleza afua za lishe jambo hili linawezekana kama tukifanya kazi kama timu moja."

Kikao cha utekelezaji wa afua za lishe kimehusisha baadhi ya Wakuu wa Divisheni na Vitengo pamoja na Watendaji wa kata 17 za halmshauri ya Wilaya ya Bukombe.