Shule Mbili zatunukiwa Hati ya Pongezi

Imewekwa: July 16th, 2020

Mkuu wa Wilaya ya Bukombe Mhe. Said Nkumba tarehe 15 Julai, 2020 amezipatia shule mbili hati ya pongezi kwa kuwa washindi wa kwanza katika mashindano ya Usafi wa Mazingira kwa ngazi za taasisi yaliyofanywa na Wizara ya Afya  Mei na Juni, 2020. Hati hizo zimetolewa katika kikao kazi cha mapitio ya shughuli za kampeni ya kitaifa ya Usafi wa mazingira.

Nkumba amempongeza  Mkuu wa  Shule Sekondari  Businda na Mwalimu Mkuu wa Shule ya Msingi Ibamba  kwa kupata  hati hizo katika mashindano ya ndani ya Wilaya .Pia amewapongeza Wahandisi pamoja na  Watendaji wa Kata kwa usimamizi mzuri wa ujenzi wa  matundu ya vyoo bora katika taasisi  za serikali.

 Afisa afya kutoka ofisi ya  Mganga Mkuu wa Wilaya ya Bukombe William Sango amesema halmashauri ya Wilaya ya Bukombe wa mwaka kwa fedha 2019/ 2020 imepokea jumla ya Shilingi 455,000,000/= kutoka  program ya Maji na Usafi wa Mazingira Vijijini ( SRWSS) inayofadhiliwa na Benki ya Dunia kwa mfumo wa (P4R) Lipa Kulingana na Matokeo kwa ajili ya Kukarabati au kujenga miundombinu ya vyoo,  mifumo ya maji, kuweka mifumo na vifaa vya kunawia mikono, kuweka vifaa vya kutakasa mikono na kujenga au kukarabati mabafu katika wodi ya wazazi.

Aidha Nkumba amewataka watendaji wa kata kuhakikisha wanasimamia  vizuri ujenzi wa miradi ya vyoo inayotekelezwa kwa fedha za program ya maji na Usafi wa mazingira Vijijini ili Wilaya iweze kupata fedha nyingi zaidi na kuondoa changamoto ya upungufu wa matundu ya vyoo.

Naye Mkurugenzi Mtendajiwa wa halmashauri ya Wilaya ya Bukombe Dionis Myinga, amewataka watendaji wa kata kuhahikisha wanawashirikisha  wananchi katika kutekeleza miradi ya ujenzi wa vyoo bora  inayotekelezwa na program ya maji na usafi wa mazingira.

Afisa Mtendaji wa Kata ya Uyovu  Bartazali Bundala  kwa niaba ya Watendaji wa Kata amesema  wapo tayari kupambana na changamoto ya ukosefu wa matundu ya vyoo katika kata zao kwa kutumia sheri ya Usafi wa  Mazingira ili kuhakikisha kaya zote zinakuwa na vyoo bora Kwa ajili ya kujiepusha na magonjwa ya kuharisha yanayopelea vifo hususani katika nchi zinazoendelea.

Washiriki wa kikao kazi hicho walikuwa ni baadhi ya Wakuu wa Idara na Vitengo wa halmashauri pamoja na watendaji wote wa kata.

Mkuu wa Wilaya ya Bukombe Mhe. Said Nkumba (mwenyeshati la kitenge katikati) akisikiliza mada.

Katibu Tawala wa Wilaya ya Bukombe Paul Cheyo  akichangia mada

Mkurugenzi Mtendaji wa Halmashauri ya Wilaya ya Bukomba  Dionis Myinga akichangia mada.

Mtendaji wa Kata ya Uyovu  Petro Mkude akipokea Hati  pokenzi kwa niaba ya Mwalimu Mkuu wa shule ya Msingi Ibamba.